અલ્પવિરામ (,)
અલ્પવિરામ (,)
→ જ્યાં થોડું અટકવાનું જરૂરી હોય ત્યાં અલ્પવિરામ આવે છે.
→ જ્યારે એકીસાથે ઘણાં નામ, ક્રિયાપદ કે વિશેષણ આપેલ હોય ત્યારે તેમની વચ્ચે અલ્પવિરામ આવે છે અને અંતિમમાં પૂર્ણવિરામ આવે છે.
સંબોધન પછી અલ્પવિરામ આવે છે.
→ કિરણ, છાપું લાવ.
કેમ, જી, બેશક, હા, ના વગેરે શબ્દો પછી અલ્પવિરામ આવે છે.
→ ના, હું, ત્યાં નહીં આવું.
→ બેશક, અમારો ઉમેદવાર ચૂંટણી જરૂર જીતશે.
અલબત્ત, ટૂંકમાં, જેમ કે, એટલે કે શબ્દો પછી અલ્પવિરામ આવે છે.
→ ટૂંકમાં, તમે પોલીસને જાણ કરી હતી.
પત્રલેખનમાં સંબોધન અને વિદાયચિહ્ન પછી અલ્પવિરામ આવે છે.
→ પૂજ્ય બાપુજી,
કારણ કે, કેમ કે, ની પહેલાં અલ્પવિરામ આવે છે.
→ પાક સુકાઈ રહ્યો છે, કારણ કે ખૂબ તાપ પડી રહ્યો છે.
આજ્ઞાર્થ પછી જો કોઈ ઉપવાકય આવતું હોય તો આજ્ઞાર્થ પછી અલ્પવિરામ આવે.
→ જુઓ, છોકરાઓ તોફાન કરે છે.
અવતરણ ચિહ્ન વાપરતા પહેલાં અલ્પવિરામ આવે છે.
→ રાધાએ કહ્યું, “શ્યામ વિના હું જીવી નહીં શકું”
